صدمة زفافي

.. وقام وهو بيضحك
ساره بصت له بغيظ وقالت... انت بتتريق يا وحيد
وحيد قال... اه طبعا بتريق ايه الهبل اللي بتقوليه ده انا جوزك اللي حصل ده اتأجل اصلا ...قومي يلا ولمي المناديل
ساره قالت بغيظ... لا والله ده في احلامك ان شاء الله
وحيد وقال... ااااه احلامي لو اقول لك على احلامي واللي بشوفه في احلامي اللي حصل ده تم من زمان في احلامي

ساره اتسعت عينيها بدهشه واحمرت خدودها بكسوف شديد ومبقتش عارفه تنطق
وحيد ضحك وقرص خدها بخفه وقال... معقول بتتكسفي مني بعد كل ده
بعدت عيونها وقالت بكسوف اكبر..احم..محصلش حاجه اصلا..هو ايه اللي حصل يعني
وحيد ابتسم وقال بغمز...ابدا يا روحي انا بس كسبت الحړب
ساره ضړبتو في صدره پغضب وقالت خلاص بقى انت بتكسفني اكتر انا ما كنتش عايزه كده اني مقدرتش اقول لك لا

وحيد ابتسم بحب وقال.. ومقدرتيش تقولي لا ليه ...عشان
بتحبيني ..بتحبيني اوي يا ساره..و انا كمان بعشقك حرام نضيع اللي بينا علشان حاجات ما تستاهلش انتي دنيتي كلها يا ساره متحرميش قلبي من وطنو الوحيد
ساره لمعت عيونها بالدموع ... هتتجوزها صح
وحيد اتنهد بقوه وقال...حقك على قلبي.. انا عارف انها صعبه عليكي والله صعب عليا انا كمان انا ما بقتش عايز غيرك بس في حاجه واحده لازم تعرفيها مستحيل اي واحده تبقى زيك مستحيل القلب ده مبقاش عايز غيرك انتي اللي بتتحكمي في دقاته على راحتك

عند راندا كانت بتكلم الدكتوره پغضب وبتقول... ايه اللي انتي قولتيه ده ليه لازم اروح اعمل تحاليل مجنونه انتي احنا مش اتفقنا افرض عرف
وسمعتها شويه وقالت پغضب... انتي مالك ومالي افرض انا تعبانه ولا متنيله على عيني..متتصرفيش من دماغك انت قابضه فلوس ما توديش نفسك في داهيه ها
وسمعتها شويه وقالت...اسمعي كويس واعرفي اللي هتعمليه عشان لو غلطتي المره دي هتخسري كتير

عند وحيد خرج من الحمام بعد ما استحمى وبدأ يلبس هدومه ويجهز
ساره استغربت لما لقيته بيلبس قالت بابتسامه ...على فين اوعى تقول لي هتاخدني وتفسحني
وحيد قرب منها وقال..ايه حابه تتفسح معايا
هزت راسها بايوه
وحيد قال..انا كمان هاموت وافسحك..وفي قلبي اريحك
ساره دفعته بخفه وقالت بضحك..وحيد بس بقى

وحيد ضحك وقال...والله انا بجد حابب نخرج سوا ونتفسح دلوقتي بس...احم..بس يعني انا رايح المستشفى..يعني انتي سمعت الدكتوره الصبح لما قالت انا محتاجين نعمل تحاليل وفحوصات عشان نطمن وكده مضطر اروح
ساره اختفت ابتسامتها وقالت بضيق... اه صح..احم معلش نسيت طيب ربنا يطمنكم
وحيد اتنهد بحزن عليها وقال ..احم ممكن تنزلي تقعدي مع ماما لحد ما اجي مش هتأخر

ساره حاولت تحبس دموعها و قالت..امم تمام هنزل..روح انت لأحسن تتأخر
وحيد اتنهد وقال..طب عايزه حاجه
حاولت تبتسم وقالت...لا..ابدا
واخذت هدوم ودخلت على الحمام وقفلت الباب وبقت تبكي بحزن شديد جدا
بعد شويه طلعت لقته نزل اتنهدت بحزن وطلعت هيه كمان عشان تقعد مع حماتها

كان وحيد تحت مع والدته مستني راندا تخلص لبس وساره كانت لسه هتنزل على السلم وقفتها راندا وقال استني يا حلوه يا اللي مبسوطه بنفسك مش تسلمي على ضرتك المستقبليه
ساره بصت لها بضيق شديد وقالت.... انا مش نقصاكي على المسا ...ودماغي ۏجعاني مش قادره اتكلم يعني
و لسه هتمشي وقفتها تاني وقالت بتريقه ... ايه ده بجد دماغك ۏجعتك معلش بقى هصدعك شويه اخرجي من حياتي انا ووحيد لانه بحبني من زمان واللي بينا كبير.