نور الحياه

سيف أيوه طبعا هحبسوا . تعدي عليا لما كنا قاعدين في الكافيه و كل ده متصور بالكاميرات اللي في المكان . كمان أتفقت مع صاحب الكافيه اللي كنا فيه أن المحامي بتاعي هيرفعلوا قضيه ضد علي .المكان أتكسر و كله تلفيات يعني هنحبسوا بالقضيتين أحنا مستنيين توكيل صاحب الكافيه للمحامي بتاعي و بعدها هنمشي في الأجراءات نور پخوف مينفعش تحبسوا سيف پغضب و توتر نور أنتي لسه بتحبيه أنا صحيح معجب بيكي بس أكيد مش هقبل أبقي خاطب واحده عنيها مليانه بحد غيري نور أنا مش قصدي كده أنا قولتلك قبل كده أني مبكرهش حد أد الأنسان ده .

سيف أومال ليه حاسك بتدافعي عنو نور أنت مش فاهم حاجه علي ده أنسان معندوش ضمير أنت شوفت بعنيك هو عامل أزاي .ممكن يأءذيني أو يأذي بابا أو يأذيك سيف ولا يعرف يعمل أي حاجه أنتي بس اللي لسه مش فاهمه لغاية دلوقتي أنتي مخطوبه لمينوعلي ده أنا مش هسيبوا غير لما تشوفي مذلول و محپوس نور بس أنا بقولك متعملش كده سيف نور أحنا ده أول يوم لينا مع بعض.

ف عشان خاطري ..بلاش ده يبقي موضوعنا. نور بس أنا نور قبل ما تلحق تكمل كلامها سيف قاطعها و قال نور هفكر في كلامك بس خلينا نأجل كلام في الموضوع ده سيف صحيح قال ل نور أنو هيفكر في كلامها لكن الحقيقه أنو مكنش عندو أي نيه للرجوع عن اللي هيعمله .

المهم أن الموضوع أتقفل هنا خصوصا بعد ما نور حست أن سيف أضايق و بان أنو غيران كمان و عشان كده قررت متتكلمش في الموضوع ده دلوقتي و تبقي تكلمه بعدين و تحاول تقنعه أنو ميعملش حاجه المهم أن من بعد اليوم ده و هما أبتدوا بيتكلموا كتير أوي ع الموبايل يمكن بالساعات .

هي صحيح نور ف الأول مكنتش عارفه تتعود ع سيف و تتكلم معاه لأنها مكانتش قادره تفهم فكرة أرتباطهم لكن مع الوقت بقت بتستني كل يوم أنها تكلمه فوق كده بقي يروح معاها كل جلسات العلاج النفسي و كل ده حسن من حالة نور كتير أوي كان باين عليها الفرح لأول مره من شهور .

لغاية لما جه اليوم اللي هيغير كل حاجه . نور صحيت في اليوم ده ع الساعه 8 حضرت الفطار لباباها و قعدت معاه يأكلوا مع بعض و بعد ما خلصوا دخلت تحضر الشاي و كانت بتقلب في موبايلها لغاية لما المايه أبتدت تغلينور مسكت الكاتل بايد و بايدها التانيه كانت بتفتح رسايل جاتلها و ف نفس اللحظه اللي نور فتحت فيها الرسايل وشافت اللي مبعوت الكاتل و قع من ايدها و هي أتسمرت في مكانها و عم محمد في الوقت ده دخل يجري ع المطبخ طبعا ع صوت الكاتل اللي وقع .